BOSHLANG’ICH SINF O’QUVCHILARINING TALAFFUZDAGI NUQSONLARNI BARTARAF ETISH MODELI

Abstract

Mamlakatimizda o’zbek tiliga davlat tili maqomining berilishi davlat ishlarining, o’qish-o’qitish, ta’lim-tarbiya, targ’ibot-tashviqot ishlarining shu tilda olib borilishi uchun juda katta sharoit yaratib berdi. Ona tilimizga bo’lgan munosabat tubdan o’zgardi, uning barcha imkoniyatlarini o’rganish ishlari katta miqyosda olib borilyapti. Lekin, shuni ham eslash kerakki, tilning ijtimoiy vazifasini bajarilish darajasini belgilovchi omillardan biri bo’lmish nutq madaniyati yetarli taraqqiy etmaganligi ko’ngilsiz holatdir. Shu bois nutq madaniyati sohasini puxta o’rganish oldimizga qo’yilgan asosiy vazifalardan biridir. Chunki nutqimizda uchrab turadigan nuqson va kamchiliklarni bartaraf qilish, nutq madaniyatini har qachongidan ham yaxshiroq rivojlantirish davlat ahamiyatiga molik bo’lgan siyosiy va ijtimoiy masaladir. Bu masala bilan shug’ullanish ishiga faqat filologlar emas, balki jumhuriyatimizda yashovchi barcha soha vakillari e’tibor berishlari maqsadga muvofiqdir.

Kalit so’zlar: Nutq madaniyati, boshlang’ich sinf, og’zaki shakl, yozma shakl, nutqiy xatolar, lagoped.